Urduñako Udalak egonkortze-plazen enplegu publikorako eskaintza publikoa onartu du udaletxerako zein Urduñako Arkupea SL eta Urduña Ederra SL sozietate publikoetarako (nagusien egoitzari eta sustapen ekonomikorako toki-garapenerako agentziari dagozkienak), enplegu publikoan behin-behinekotasuna murrizteko premiazko neurriei buruzko 20/2021 Legeak xedatzen duen bezala. Gaur egun bitarteko langileek betetzen dituzten edo hutsik dauden plaza publikoak dira, hainbat eremutakoak: administrazio-laguntzailea, kudeaketa-teknikaria, hizkuntza-normalizazioko teknikaria, aparejadorea, zerbitzu anitzetako langilea, gizarte-langilea, brigadako arduraduna, udaltzaingo-agentea, garbitzailea, zeladorea, geriatria eta sustapen ekonomikoko teknikaria. Prozesu bakoitzaren oinarriak 2022ko abenduaren 31a baino lehen argitaratuko dira. Enplegua egonkortzeko prozesuak 2024ko abendua baino lehen amaitu behar dira. Prozesu horiei buruzko informazio guztia www.urduna.com webgunean […]

Martxoaren 31n, 19:00etan, gauzatutako osoko bilkuran, 7.565.404,54 euroko udal aurrekontu bateratuak onetsi ditu Urduñako Udalak 2022rako, Udalaren eta bere bi sozietateen artean —Urduñederra, S.L. eta Urduñako Arkupea, S.L—, iaz baino 880.354,22 euro gehiago. EH Bilduren aldeko botoekin eta EAJren abstentzioarekin onartu dira aurrekontuak. Udalak 330.000 euroko gerakinarekin itxi du 2021a, inbertsio berriak egiteko erabiliko dena. Gainera, aipatu beharra dago toki-erakundeak zenbateko handiagoa jasoko duela aurten Udalkutxaren eta Bizkaiko Foru Aldundiko Herriak Egiten Aparteko Funtsaren eskutik. Horrenbestez, aurrekontua handitu egin da Urduñako udaletxea osatzen duten udal-arlo guztietan. Arlo bakoitzeko partidak honela banatuko dira: Ogasuna eta Barne Erregimena, 1.941.778,44 € (%32,48), 2021ean […]

2022ko udal aurrekontuen proposamenean jasotako proiektu nagusiak aurkeztu ditu Urduñako Udalak, apirilaren 31n, ostegunean, hileko ohiko osoko bilkurara eramango direnak. Aurkezpena apirilaren 24an egin da, 19:00etan, Alondegia Gizarte Etxean egindako batzar irekian. Herritarrek bertara joan ahal izan dute kontsultak egitera edo iritziak partekatzera. Udalak zuzenean eman du saioa YouTube kanalaren bitartez, eta bertan bideoa ikusteko aukera egongo da. Itziar Biguri Ugarte alkateak adierazi duenez, aurreko ekitaldian baino inbertsio handiagoak egingo dira 2022an, 624.586,67 euro guztira. Proposatutako inbertsioen artean, zailtasun txikiagoko batzuk eta garrantzi handiagoko beste batzuk jasotzen dira, hala nola La Estación kalea birgaitzea. Aipatzekoa da Udalak 330.000 euroko gerakinarekin […]

Martxoaren 24ra atzeratu dute udal aurrekontuei buruzko batzar irekia. Alondegian eskainiko da, arratsaldeko 19:00etan. Bertan, herritarrek udal-partidei buruzko informazioa jaso eta proposamenak egin ahal izango dituzte. COVID-19aren aurkako prebentzio-neurriak bermatuko dira; besteak beste, maskara nahitaez erabiltzea, segurtasun-distantziak errespetatzea, aireztapen egokia mantentzea eta gel hidroalkoholikoa erabiltzea. Iaz bezala, gainera, streaming bitartez emango da Urduñako Udalaren komunikaziorako YouTube kanalaren bitartez: https://labur.eus/UrdunaYouTube.

Bizkaiko Emakume Hautetsien VI. Batzarrak urduñarren parte-hartzea izan du. Izan ere, alkateak, Itziar Biguri Ugartek, Martxoaren 8ko Adierazpen Instituzionalaren irakurketa partekatuan hartu du parte. Batzar horretan, Gurutze Beitia Basterretxea aktoreak, Josune Urrutia Asua ilustratzaile eta marrazkilariak, Afrika Bibang abeslariak, Edurne Portela Camino nobelagileak eta Nerea Ibarzabal Salegi bertsolariak Bizkaiko politikarien eta hautetsien aitortza jaso dute.

Urduñako udal hilerrian abiatu dituzte Bizkaian eraikiko den lehen ‘Duintasunaren kolunbarioa’ eraikitzeko lanak, bigarrena Euskadin. Gune horretan, hilobietatik aterako diren Gerra Zibileko biktimen gorpuak gordeko dituzte, gerran eta frankismoan bidegabeki hil ziren pertsonak duintzeko helburuarekin. Martxoaren 9an, asteazkenean, 11:30etik aurrera, Beatriz Artolazabal Albenizek, Eusko Jaurlaritzako Berdintasun, Justizia eta Gizarte Politiketako sailburuak, obrak bisitatuko ditu tokiko udalbatzarekin batera. Lehenengo fasean, eremua induskatu eta zimendatuko dute, horren ostean bertan gabioiak jartzeko helburuarekin. Behin lehenengo faseak amaituta, Iñigo Arregi artistaren eskultura instalatuko dute, Gogora Memoriaren, Bizikidetzaren eta Giza Eskubideen Institutuak finantzatuta. Aipatu beharra dago Arregik Elgoibargo Duintasunaren Kolunbario aintzindariko eskultura ere diseinatu zuela. […]

Urtarrilaren 17an amaitu zen zerbitzu anitzeko langileen lanpoltsa eratzeko hauta-probetarako izen-emate epea. Guztira, 82 herritarrek eman dute izena, horietatik 11 emakumek. Hautaketa-prozesua lehiaketa-oposizio sistemaren bidez egingo da. Azterketen datak zehazteke daude oraindik; udal webgunean eta Udalaren sare sozialetan iragarriko dira epeak. Brigadarako lanpoltsa hau gutxienez 3 urtez egongoda indarrean. Deialdiari buruzko oinarriak PDF honetan ere kontsultatu daitezke, bertan, lanpostu bakoitzarako behar diren trebakuntzak, tituluak, hizkuntza-eskakizunak eta bestelako baldintzak daude jasota.