style="height:!important"

Berriak

LGTBIQ+ Harrotasun Eguna aldarrikatzeko adierazpen instituzionala

Ekainaren 28a, LGTBIQ+ Harrotasunaren Nazioarteko Eguna, aldarrikatzeko EH Bilduk aurkeztutako adierazpen instituzionala onartu zuen Udalak ekainaren 23ko ohiko osoko bilkuran.​ Aurkeztutako adierazpena LGTB+ BIZITZEK BALIO DUTE Maiatzaren 17an, LGBT+fobiaren kontrako egunean esaten genuena errepikatzen dugu Ekainaren 28an, LGBT+ harrotasunaren egunean. Harro gaudelako gure bizitzez, harro gure bizi historiaz, harro LGBT+ mugimenduaz. Komunikabide nagusienen estigmatizazio saiakerek eta manipulazioak zein eskuin muturreko diskurtsoek cis-hetero arautik ateratzen diren bizitzak ezabatu nahi dituen honetan, inoiz baina garrantzitsuagoa da nondik gatozen ospatzea eta aldarrikatzea. Stonewalletik Euskal Herrira, milaka bizipen, galera, aldarrikapen eta lorpen izan ditugu, baina oraindik egiteko asko dago. Eraso LGBT+fobikoen datuak gora doaz, […]

Berdinduren adierazpena maiatzak 17 LGTBIfobiaren aurkako nazioarteko eguna dela eta

1990eko maiatzaren 17tik, OME-k homosexualitatea gaixotasunen zerrendatik kendu zuela ospatzen da. Horregatik, LGTBI kolektiboetako pertsonentzat balio esanguratsua du, eskubideen aldeko eta diskriminazioaren aurkako jardueren ardatz katalizatzaile gisa, gaur egun oraindik ere aurre egin behar baitio araudiarekin bat ez datorren pertsona orok. Pandemiaren eraginez azken bi urteak benetan latzak izan dira herritar guztientzat, are gehiago LGTBI kolektiboarentzat, gehien kolpatu dutenetako bat izan baita. Izan ere, desberdintasunaren arrakala areagotu egin da eta kalteberatasun-egoerak eremu askotan indartu dira, sare sozialetan esate baterako. Aurten ere, Eusko Jaurlaritzak, Berdintasun, Justizia eta Gizarte Politiketako Sailaren eta Berdinduren bitartez, sexu- eta genero-aniztasunarekiko gorrotoak eragindako erasoak salatzeko ahotsa […]

Emakumeen Nazioarteko Eguna aldarrikatzeko ekitaldiz betetako egitaraua

Udalaren Berdintasun Sailak hainbat jarduera antolatu ditu, hiriko elkarteekin batera, Martxoaren 8a aldarrikatzeko. Emakumeen Eguneko egitaraua Loraldiko margolanen erakusketarekin abiatuko da, Alondegian eskuragarri izango dena martxoaren 4tik 14ra. Hilaren 5ean, Eulalia Abaitua argazkilariari buruzko dokumentalaren estreinaldia hartuko du Urduñako Museoak. Bi saiotan eskainiko dute, 12:00etan eta 18:00etan, eta izena eman beharra dago. Museora jotzeko, Artekaletik sartu behar da. Hilaren 7an, astelehenean, Ana Cristina Paniaguak bere azken argitalpena aurkeztuko du Alondegian, 19:00etan, Te espero en la nube nº 9 izeneko poema-liburua. Egileak bi liburu eman dizkio Udal Liburutegiari. Martxoaren 8an bertan, gai askotariko jarduerak eskainiko dira: 12:00etan, zumba frontoian; 14:00etan, Loraldik […]

‘NI, STEM Emakumea’, eskualdeko emakume zientzialariak ezagutarazteko erakusketa

Abenduaren 20ra arte, eskualdeko emakume zientzialariei buruzko ‘NI, STEM emakumea’ izeneko erakusketa egongo da ikusgai Foru Plazan. Ekintza ibiltaria da eta horren protagonistak Nerbioi-Ibaizabal eskualdean bizi diren edo lan egiten duten 11 zientzialari dira: Barbara San Pedro Abalia, Estibaliz Apellaniz Ingunza, Gotzone Aranaga Olarieta, Rosalía Torres Ratón, Irene Gallardo Gómez , Marta Cagigas Martínez, Nadia López Ruiz, Olatza Etxeberria Olabarria, Mar Garrote Calvo, Natalia García Alfonso eta Zuriñe García García. Beste behin ere, helburua da eskualdeko gazteen artean zientzia eta teknologia sustatzea.

Urduñak bat egingo du Azaroaren 25eko kanpainarekin, Indarkeria Matxistaren aurkako Nazioarteko Eguna aldarrikatzeko

Beste behin ere, azaroaren 25ean Indarkeria Matxistaren aurkako Nazioarteko Eguna ospatuko da eta, aurten ere, aldarrikapen horrekin bat egingo du Urduñak, jarduera askotariko programa baten bidez. Antolatutako jarduerak Tokiko egitarau azaroaren 25a baino hiru egun lehenago hasiko da. Azaroaren 22an, astelehenean, Imanol Pérez osteopatak “¿Educamos para la violencia?” (Indarkeriarako hezten dugu?) hitzaldia eskainiko du erderaz. Alondegian izango da, 18:00etatik aurrera. Azaroaren 25ean bertan, hainbat jarduera gauzatuko dira, horietako bat uztailaren hasieran antolatutako Neskartfest Arte Eszenikoetarako Euskal Herriko Emakumeen Jaialdiko irabazleen eskutik. Tepsis Teatro konpainiak “Despierta! Retablos de la vergüenza” lana antzeztuko du. Jarraian, ohiko elkarretaratzea egongo da, 19:00etan, Foru Plaza. […]

Oreka eta ongizate integralari buruzko tailerra, Mª Belén Andresen eskutik

Mª Belén Andrés psikologo transpertsonalak, osasun mentalean eta teknika psikoterapeutikoetan espezializatuak, “Oreka eta ongizate integrala” ikastaroa eskainiko du urriaren 20tik aurrera Alondegian, Berdintasun Arloak antolatuta. Zortzi saio izango dira, bakoitza bi ordukoa, 18:00etatik 20:00etara, astean behin eta 10-20 pertsonako taldeetan. Prestakuntzaren kostua 50 eurokoa izango da. Hastapen ikastaroa da, baina 2018an egin zutenek ere eman dezakete izena. Izen-emateak Izen-emateak urriaren lehen hamabostaldian egingo dira Alondegia Gizarte Etxean bertan.

Ekainaren 21etik aurrera burutuko dira NeskArtFest jaialdirako izen-emateak

NeskArtFest jaialdiaren barruan, hainbat ekintza eskainiko dira: foru irekia Alondegian, kontzertua zein antzezlanak Zezen Plazan eta antzezlanak Andra Mari Plazan. Zezen plazan egingo diren 4 ekintzetara joateko, beharrezkoa izango da sarrera eskuratzea, guztira, 5 euroko prezioan. Izena ematen ez bada, ezin izango da zezen plazara sartu. Lau ekintza horietarako izen-emateak ekainaren 21etik aurrera burutuko dira: hilaren 21ean eta 22an urduñarrentzat, online galdetegiaren bitartez: https://labur.eus/Neskartfest2021. Hilaren 23an, Alondegian aurrez aurre, Urduñako eta Arrastariako bizilagunentzat. Sarrera batzuk soberan geratuko balira, beste udalerrietako herritarren eskura ere jarriko lirateke. Sarrerak jasotzeko eta ordaintzeko egunak, bestalde, ekainaren 28a, 29a eta 30a izango dira.

Emakumeentzako Arte Eszenikoen Euskal Herriko lehenengo Jaialdia egingo da Urduñan, ‘NeskArtFest’ izenburupean

Emakumeentzako Arte Eszenikoen Euskal Herriko lehenengo Jaialdia, NeskArtFest, Urduñan gauzatuko da uztailaren 2tik 3ra, ostiraletik larunbatera. Hainbat genero eta estilo eszenikoko proposamenak bilduko dira Urduñan, betiere emakumeen gidoi eta zuzendaritzarekin. Jaialdiaren programazioa ekainaren 15ean aurkeztu dute, 17:00etan, Alondegian. Aurkezpen horretan izan dira Itziar Biguri Ugarte alkatea, Soledad Lezameta Astrain Berdintasun zinegotzia, Carmen Olabuenaga Vergara Udaleko Kultura Arloko teknikaria eta David Baskaran Kuluxka konpainiako ordezkaria. NeskArtFest emakume artistek eta sortzaileek arte eszenikoen munduan egiten duten lana ikusarazteko helburuarekin sortu da, Kuluxka konpainiaren eskutik eta Urduñako Udalaren laguntzarekin. Izen-emateak ekainaren 21etik aurrera burutuko dira: hilaren 21ean eta 22an, online galdetegiaren bitartez urduñarrentzat […]