Puntaik Punta badoa poliki-poliki martxa hartzen. Gaur 18:30ean Torresoroan Mikel Lizarralderen testigantza entzuteko aukera egongo da. Esklerosi anitza du berak, eta gaixotasunaren kirolaren eta bizipozaren arteko erlazioaz hitz egingo digu. Guztiz gomendagarria. Bihar, osteguna, hainbat ibilaldi egingo dira eskualdean zehar. Jai-giroari hasiera emanez, iluntzeko 20:30etan Zurrategiko kioskoan Pello Heriz eta Leire Etxezarretaren kontzertua egongo da.
Etxeak birgaitzeko, herriko atarietan jarri den oharrak nahikoa nahasmendu sortu du. Izan ere, jendeari pentsarazi diogu edonori laguntzeko dirulaguntzat direla. Eta ez da hori. Birgaitzen proiektuak pobrezia energetikoari egin nahi dio aurre; horregatik, egoera ekonomiko txarrean dauden pertsonei laguntzeko sortu da. Barkatu eragozpenak!!
Iaz baino 646 bisitari gehiago egon dira Urduñan 2021eko udan; 2020an, 2.387 turista eta aurten, 3.033. Aipatzekoa da 2021eko abuztuan jasotako turista-kopurua altuena izan dela Turismo Bulegoa 2005ean ireki zenetik, 1.772 pertsona. Jatorriari dagokionez, 2020an, %58,61 EAEtik etorri ziren, %35 Espainiako Estatuko beste lurraldeetatik eta %2,51 nazioartetik. Aurten, ordea, azken bi horiek altuagoak izan dira: 57,7% eta 5,97%, hurrenez hurren; Euskaditik etorritakoak %33 izan dira. Bestalde, gogoratu beharra dago Turismo Bulegoak asteartetik igandera, 10:00etatik 14:00etara, irekitzen duela urritik aurrera.
Atzo hasi zen Puntaik Punta jaialdia, eta gaur eta datozen egunetan izango du jarraipen. Mendi Film jaialdiko pelikulari gaur Pou Anaien hitzaldi eta proiekzioak emango die jarraipena, ohi denez Torresoroan 18:30etan. “Bizitza osoa sokada baten” izenburuko filma eskainiko dute. Bihar esklerosi anizkoitzari buruzko hitzaldia eskainiko du Mikel Lizarraldek, 18:30etan Torresoroan. Gaitz larria da, baina Lizarraldek beste modo batean bizi du. Hitzaldiaren izenburuak argi adierazten du hori: “Esklerosi anizkoitza, kirola eta bizipoza”. Etzitik aurrera, Puntaik Punta osagai gehiago egosten hasiko da, mendi-ibilaldiak, izarrak behatzea eta, besteak beste, Antzuolan kontzertu bat ere izango dugu-eta. Horren berri zehatzagoa, bihar.
Minbiziaren aurkako Nazioarteko Eguna dela-eta, atzo Udaletxeko balkoian Katxalin taldeko pankarta jarri genuen. Beraiek dioten moduan, horrelako egoerak bakarkan pasatzea baino hobe delako taldearen babesa izatea. Sor daitezkeen ekintzetan parte hartzera ere deitu dute.
Adin txikikoei eta gazteei zuzendutako aisialdiko jardueretan euskararen erabilera bultzatzearen garrantziaz jabetuta, eta horretarako, arlo horietan jardun nahi duten pertsonek ikastaroak euskaraz egitea ezinbestekoa dela aintzat hartuta, aisialdiko begirale eta aisialdiko zuzendari titulu ofiziala lortzeko diru-laguntzak emango ditu Urduñako Udalaren Euskara Arloak. Diru-laguntzak eskatzeko epea urriaren 22an hasiko da, Bizkaiko Aldizkari Ofizialean deialdia argitaratu osteko hurrengo egunetik aurrera, eta 30 egun naturalez egongo da irekita. Epez kanpo aurkezten diren eskabideak gaitzetsi egingo dira, eta artxibatu egingo dira dagokion ebazpena eman ondoren. Eskabidea Urduñako Udaleko egoitza elektronikoaren bidez aurkeztu beharko da ( / Izapideak); edo, paperean, Udaleko Erregistroan (Kale zaharra 2-4), […]
Astelehenetik hasita eta domekara arte, Puntaik Punta jaialdiaren barruan hainbat ekitaldi egingo dira herrian: ibilbideak, hitzaldiak, zinea, azoka, umeendako jolasak, kontzertuak… Gehieneak asteburuan izango direnez, garajea duzuenei erabiltzea eskatzen dizuegu, kanpotik etor daitezkeenei tokia lagatzeko.
Egitarau oparoa antolatu du Euskara Arloak Arimen Gaua ospatzeko. Parte hartu nahi izanez gero, beharrezkoa izango da izena ematea ostiraleko eta larunbateko ekintzetan, urriaren 18tik 25era bitartean. 2 euroko prezioa izango du. URRIAK 29, OSTIRALA 18:30 – Arimen Gaueko mozorroen tailerra URRIAK 30, LARUNBATA 11:00 eta 12:30 – Arimen Gaueko mozorroen tailerra 17:00 – Beldurrezko ipuin-kontaketa 19:00 – Beldurrezko filmen emanaldia *Ostiraleko eta larunbateko ekintzak Alondegian izango dira, 4 eta 12 urte arteko haurrentzat. URRIAK 31, IGANDEA 13:00 – Dantza-poteoa, Erauntsi Dantza taldearen eskutik 18:30 – Arimen ibilbidea abiatuko da Plazatik, euskal musikaz girotua 20:00 – Arimen Gaueko dantzak plazan, […]
Urriaren 31n, igandean, 09:00etaik 12:00etara, ipar-martxa ibilbidea eskainiko da Urduñan, Foru Plazan hasita. 3 euroko prezioa izango du ekintzak eta, parte hartzeko, urriaren 25era arte egin ahalko da aurreinskripzioa, telefonoz (615 78 05 96) edo Alondegian Alondegian, ordutegi honetan: 11:00-13.00 eta 17:00-19.30. Plazak urriaren 26an konfirmatuko dira. Ordainketa urriaren 27tik 29ra gauzatuko da Alondegian. Erroldatutakoek lehentasuna izango dute.
Azaroan eta abenduaren hasieran jarraituko du Udazken Gastronomikoak. Horren barruan, hiriko gastronomiarekin lotutako hainbat jardueraz gozatu ahal izango dute urduñarrek, Turismo Bulegoaren eskutik. Ekintzen izen-emateak http://www.ordunaturismo.com/ms webgunean egingo dira, bertan prezioak eta ordutegiak ere kontsulta daitezke. Urriaren 10ean, 17an, 24an eta 31n, bisitaldiak gauzatuko dira 11:00etan Gure Ahaleginak txakolindegian, 6 euroko prezioan. AEFAT elkarteak Olaranekin elkarlanean antolatutako dastatze solidarioa ere sartu da programan. Urriaren 17an izango da Foru Plazan, 14:00etatik aurrera, ataxia telangiektasia gaixotasunaren ikerketan laguntzeko. Urriaren 30etik azaroaren 1era, perretxikoen ibilbidea antolatuko da honako tabernetan: Belatz-gorri, Politena, Urioste, Lupardika, Rómulo, Gorobel, Bar X, Orduña Plaza, Llarena, Sukalki, Batzoki, Hiria, […]